Tolosako Turismo Ekinbide Etxeak, TITIRIJAI Nazioarteko Txotxongilo Jaialdiaren antolatzaileak, eta Tolosa 750. Urteurrena Fundazioak haurren txotxongilo antzerkirako idazlanen lehiaketa deialdia egin zuten.

Lehiaketan parte hartzeko, 18 urte beteta eduki behar ziren.

Idazlanak euskaraz edo gaztelaniaz idatzita aurkeztu behar ziren.

Idazlanek originalak, argitaragabekoak eta beste inolako eta inongo literatura lehiaketaren batean saritu gabeak izan behar zuten, eta epaia eman arte baldintza horiek guztiak bete behar zituzten. Era berean, inongo taldek (profesional nahiz ez profesional) estreinatu gabeak izan behar zuten.

• Ez zen onartu ez itzulpenik ez egokitzapenik.
  
• Idazlanaren egileak aitortu behar izan zen, idatziz eta sinatuta, aurkeztutako idazlanak betetzen zuela artikulu honetan xedatua.

Obraren iraupenak haurrentzako antzerki baten neurrikoa izan behar zuen(45 eta 60 minutu bitartekoa).

Idazlanaren bost ale aurkeztu behar ziren, DIN A-4 orritan, mekanografiatuta tarte bikoitzarekin eta orriaren alde batean. Sinadurarik gabe eta lemapean.

Idazlanak 2005eko irailaren 1a baino lehen aurkeztu behar izan ziren. Postaz bidaliz gero, aipatu dataz geroztikako zigilu-marka zuena ez zen onartu.

Goiburukoan idazlanaren titulua eta lema besterik ez zirenidatziko.

Idazlanarekin batera kartazal itxia bidali behar zen. Kartazal itxiaren gainean obraren izena eta lema jarri behar ziren; eta kartazal itxiaren barruan, izena, helbidea eta egilearen curriculum labur bat, eta bere NAN edo pasaportearen fotokopia.

Idazlanaren gaia librea izan zen.

Idazlanak, koadernatuta, honako helbide honetara bidali behar ziren: Tolosako Turismo Ekinbide Etxea. TITIRIJAI 2005. Emeterio Arrese, 2 - 20400 TOLOSA

Epaimahaia antolatzaileek izendatu zuen eta bere epaia apelaezina izan zen.

Oinarri hauek xedatzen dutenaren arabera, saritutako idazlana hautatzeko irizpideak hurrengo hauek izan ziren: literatura kalitatea, sormena, originaltasuna eta eszenaratzeko aukera.

Saritutako idazlana Tolosako Turismo Ekinbide Etxearen eskuetan geratuko da argitaratzeko edo/eta eszenaratzeko urtebeteko epearen barruan, epaiaren datatik zenbatuta. Argitalpena hiru hizkuntza hauetan egin da: euskaraz, gaztelaniaz eta ingelesez.

Saria bakarra izango da, 4.000 euro, hain zuzen. Sariaren eraginez sortzen diren betebehar fiskalak saria irabazi duenaren ardura izango dira. Lehiaketa hutsik uztea ere erabaki lezake Epaimahaiak.

Idazlan irabazlea erabakitzea eta kartazal itxiaren irekitzea Tolosan (Gipuzkoa) egingo dira, Tolosako TITIRIJAI 2005 Nazioarteko Txotxongilo Jaialdiaren barruan.

Antolaketa taldeak konpromisoa hartzen du idazlan irabazlea eszenaratzeko txotxongilo antzezpenetan ospea duen talderen baten eskutik. Estreinaldia Tolosan izango litzateke, TITIRIJAI 2006 Nazioarteko Jaialdiaren barruan.

Antolatzaileek berek ez dituzte itzuliko aurkeztutako idazlanak. Hau da, epaia ematen denetik zenbatuta hiru hilabeteko epea izango du egileak edo berak baimendutako norbaitek idazlana jasotzeko. Epe hori bukatzen denean, jaso ez diren aleak suntsitu egingo dira.

Lehiaketan parte hartzeak esan nahi du oinarri hauek onartzen direla.

Oinarrietan aurreikusten ez dena antolatzaileek erabakiko dute.

Lehiaketako irabazleak